A
Asociación Cultural e Pedagóxica Ponte…nas ondas!
convoca a XIV Xornada de Radio Interescolar que se desenvolverá
o día 6 de xuño de 2008.
Para esta edición, o tema que se propón é a
temática da identidade territorial baixo o lema IDENTIDADE
E TERRITORIO.
Se o territorio lexicográficamente se define coma "..extensión
ampla de terra delimitada xeográfica, política ou
administrativamente, ou que está habitado por un pobo…"
queremos chegar mais alá e esa é a nosa proposta.
Queremos estudar o territorio coma o marco no que se desenvolveu
unha cultura única e irrepetíbel.
O estudo e coñecemento do territorio no que nos desenvolvemos
é moi importante e a difusión desta parte da cultura
sobranceira na educación dos nosos alumnos e alumnas.
Como as diferentes civilizacións modelaron a nosa identidade
na súa apropiación do medio natural, o coñecemento
desa realidade territorial como espazo e condicionante dunha cultura
que se adaptou ao medio descubriranos a obriga da súa utilización
racional, conservando os elementos patrimoniais adecuados e constituíndo
un dos principais factores identitarios.
En
colaboración co equipo do Proxectoterra,
que leva adicándose varios anos a estudar este tema, acordamos
achegar esta temática ás nosas aulas. Esta colaboración
permítenos ofertar a todos os centros galegos e portugueses
interesados en participar na XIV edición da xornada radiofónica
unha grande cantidade de material didáctico para os alumnos
e alumnas, así como moito material de apoio para o profesorado
para que en cada centro se poidan desenvolver as actividades que se
desexen en relación con este tema.
Ademais
e, segundo recomenda a UNESCO, seguimos a demandar a introdución
do patrimonio inmaterial galego-portugués no sistema educativo
de Galiza e do Norte de Portugal como un contido transversal.
Se na pasada edición foi o patrimonio o que saltou á
Rede e baixo o lema NA REDE DO PATRIMONIO realizáronse as
24 horas de radio, nesta ocasión vai ser a IDENTIDADE
E O TERRITORIO quen module a programación da XIV edición
de Ponte...nas ondas!
Todos
os grupos de xoves que desexen participar deberán inscribirse
a cubrindo a ficha de participación antes do 15 de marzo
de 2008.
Os grupos de xoves de Galiza e do Norte de Portugal que se inscriban,
optarán tamén ás saídas guiadas a varios
puntos do territorio da Eurorrexión para coñecer lugares
de interese desde o punto de vista do patrimonio cultural galego-portugués.
Os
participantes doutros países, achegarán programas
con esta temática como fío condutor dos contidos que
integren a gravación.
A
Asociación Cultural e Pedagóxica Ponte…nas ondas!
convoca a XIV Xornada de Radio Interescolar que se desenvolverá
o día 6 de xuño de 2008.
